: പെരുമ്പാവൂരിൽ ആറുവയസുകാരന് കുളത്തിൽ വീണ് ദാരുണാന്ത്യം. ചെമ്പറക്കി നടക്കാവ് മേത്തരുകുടി വീട്ടിൽ വീരാന്‍റെ മകൻ ഉനൈസ് ആണ് മരിച്ചത്.ചൊവ്വാഴ്ച വൈകുന്നേരമാണ് സംഭവം നടന്നത്. വീടിനടുത്തുള്ള കുളത്തിൽ കാൽതെന്നി വീഴുകയായിരുന്നു കുട്ടി. ഈസമയം കുട്ടി അപകടത്തിൽപെട്ടത് മറ്റാരുടെയും ശ്രദ്ധയിൽപെട്ടില്ല. കുളത്തിന് ആഴം കുറവായിരുന്നെങ്കിലും ഉനൈസിന് രക്ഷപെടാനായില്ല.മൃതദേഹം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി.
