വളവുപച്ച എ.കെ.എം. പബ്ലിക് സ്കൂൾ പൈതൃക ഗ്രാമത്തിനോട് ചേർന്ന് തയ്യാറാക്കുന്ന പത്രങ്ങളും മാസികകളും നിറഞ്ഞ വായനാ പദ്ധതി ‘ അറിയാം ലോകം ‘ മൃഗസംരക്ഷണ ക്ഷീരവികസന മന്ത്രി ചിഞ്ചുറാണി ഉദ്ഘാടനം ചെയ്തു.
നാട്ടിലെ മുഴുവൻ പത്രങ്ങളും മറ്റു വാരികകളും തിരഞ്ഞെടുത്ത വിദ്യാർത്ഥികൾ സ്കൂളിലെ വായനാ വീട്ടിൽ എത്തിക്കും.സ്കൂളിലെ മുഴുവൻ വിദ്യാർത്ഥികൾക്കും അവരുടെ ഒഴിവു വേളകൾ വായനയിലൂടെ പ്രയോജന പ്രദമാക്കാൻ ഈ പദ്ധതിയിലൂടെ കഴിയുമെന്ന് എ.കെ.എം. പബ്ലിക് സ്കൂൾ ചെയർമാൻ എ.കെ. സജീർ അറിയിച്ചു.
സ്കൂളിലെ ആറാം ക്ലാസ് വിദ്യാർത്ഥികളുടെ സഹകരണത്തോടെ പൂർത്തിയായിരുന്ന പൈതൃക ഗ്രാമവും മന്ത്രി സന്ദർശിച്ചു.ചടങ്ങിന് പി.ടി.എ. പ്രസിഡൻ്റുൾപ്പെടെ നിരവധിപ്പേർ പങ്കെടുത്തു.സിബില ടീച്ചർ കൃതഞ്ജത രേഖപ്പെടുത്തി.
