![](https://dailyvoicekadakkal.com/wp-content/uploads/2024/05/DAILY-STRIP-4-1024x296.jpeg)
ഉഷ്ണതരംഗ സാധ്യതയെത്തുടര്ന്ന് ഏര്പ്പെടുത്തിയ തൊഴില് സമയക്രമീകരണം ഹൈറേഞ്ച് മേഖലയ്ക്കും ബാധകം. തൊഴില് സമയ ക്രമീകരണങ്ങളില് നിന്നും സമുദ്രനിരപ്പില് നിന്ന് 3000 അടി ഉയരമുള്ള പ്രദേശങ്ങളെ ഒഴിവാക്കിയിരുന്നു. ഉഷ്ണ തരംഗത്തിന്റെ വ്യാപ്തി കണക്കിലെടുത്താണ് തോട്ടം തൊഴിലാളികള് അടക്കമുള്ള എല്ലാ തൊഴിലാളികള്ക്കും ഉത്തരവ് ബാധകമാക്കിയത്.
ഹൈറേഞ്ച് മേഖലകളില് ഉച്ചക്ക് 12 മുതല് വൈകീട്ട് മൂന്ന് വരെ തൊഴിലാളികള് വെയിലത്ത് പണിയെടുക്കുന്നത് കണ്ടെത്തിയാല് തൊഴിലുടമക്കെതിരെ കര്ശന നടപടി സ്വീകരിക്കും. സംസ്ഥാനത്ത് മുഴുവന് തൊഴിലിടങ്ങളിലും ഉത്തരവിന്റെ അടിസ്ഥാനത്തില് ജില്ലാ ലേബര് ഓഫീസര്, ഡെപ്യൂട്ടി ലേബര് ഓഫീസര്, അസി. ലേബര് ഓഫീസര് എന്നിവരുടെ മേല്നോട്ടത്തില് പ്രത്യേക ടീമുകള് രൂപീകരിച്ച്
കര്ശന പരിശോധനകള് നടത്തിവരികയാണ്.
സംസ്ഥാനത്ത് ഫെബ്രുവരി മുതല് മെയ് 15 വരെ രാവിലെ 7:00 മുതല് വൈകുന്നേരം 7:00 മണി വരെയുള്ള സമയത്തില് എട്ട് മണിക്കൂറായി ജോലി സമയം നിജപ്പെടുത്തി ഉത്തരവായിട്ടുണ്ട്. പകല് സമയം ജോലി ചെയ്യുന്ന എല്ലാ തൊഴിലാളികള്ക്കും ഉച്ചയ്ക്ക് 12 മുതല് വൈകുന്നേരം മൂന്ന് മണിവരെ വിശ്രമവേളയായിരിക്കും. ഷിഫ്റ്റ് വ്യവസ്ഥയില് ജോലി ചെയ്യുന്ന തൊഴിലാളികള്ക്ക് ഷിഫ്റ്റുകള് ഉച്ചയ്ക്ക് 12:00 മണിക്ക് അവസാനിക്കുന്ന തരത്തിലും വൈകുന്നേരം 3:00 മണിക്ക് ആരംഭിക്കുന്ന തരത്തിലുമാണ് പുനക്രമീകരണം.
![](https://dailyvoicekadakkal.com/wp-content/uploads/2024/05/WhatsApp-Image-2024-05-03-at-1.05.31-PM-791x1024.jpeg)
![](https://dailyvoicekadakkal.com/wp-content/uploads/2024/05/kokkad-3-954x1024.jpeg)
![](https://dailyvoicekadakkal.com/wp-content/uploads/2024/05/WhatsApp-Image-2024-05-01-at-7.54.47-AM-2-1024x1024.jpeg)
![](https://dailyvoicekadakkal.com/wp-content/uploads/2024/05/DAILY-EMPLEM-4-816x1024.jpeg)