![](https://dailyvoicekadakkal.com/wp-content/uploads/2024/05/WhatsApp-Image-2024-05-12-at-9.31.56-PM-2-1024x385.jpeg)
കുടുംബശ്രീ ജില്ലാമിഷൻ നടത്തുന്ന ജില്ലാതല മത്സരം “അരങ്ങ് 2024” ൽ 45 പോയിന്റ് നേടി കടയ്ക്കൽ പഞ്ചായത്ത് സി ഡി എസ് രണ്ടാം സ്ഥാനം കരസ്ഥമാക്കി.സ്കിറ്റിൽ ഒന്നാം സ്ഥാനവും, ഒപ്പനയിൽ രണ്ടാം സ്ഥാനവും കടയ്ക്കൽ സി ഡി എസ് നേടി.
![](https://dailyvoicekadakkal.com/wp-content/uploads/2024/05/WhatsApp-Image-2024-05-31-at-3.44.42-AM-1-1024x601.jpeg)
കടയ്ക്കൽ പഞ്ചായത്തിലെ ഹരിത കർമ്മ സേനാഗംങ്ങൾ ,വിവിധ വാർഡുകളിലെ കുടുംബശ്രീ ഗ്രൂപ്പ് അംഗങ്ങൾ എന്നിവർ വിവിധ മത്സരങ്ങളിൽ വിജയികളായി.
.കുടുംബശ്രീ ജില്ലാ മിഷന്റെ നേതൃത്വത്തിൽ അയൽക്കൂട്ടം ഓക്സിലറി സർഗോത്സവമായ ‘അരങ്ങ്-2024’ വ്യാഴാഴ്ച നടന്നു . ആശ്രാമം ശ്രീനാരായണ സാംസ്കാരികകേന്ദ്രത്തിലായിരുന്നു പരിപാടി. 33 സ്റ്റേജിന മത്സരങ്ങളും 13 സ്റ്റേജിതര മത്സരങ്ങളും നാലു വേദികളിലായി അരങ്ങേറി.
![](https://dailyvoicekadakkal.com/wp-content/uploads/2024/05/WhatsApp-Image-2024-05-31-at-10.58.27-AM-1024x569.jpeg)
350 കുടുംബശ്രീ ഓക്സിലറി കൂട്ടായ്മ അംഗങ്ങളാണ് ജില്ലയിലെ വിവിധ സി.ഡി.എസുകളിൽനിന്നു മാറ്റുരയ്ക്കാനെത്തിയത് രാവിലെ ഒൻപതിന് നടന്ന ഉദ്ഘാടന ചടങ്ങ് ജില്ലാപഞ്ചായത്ത് പ്രസിഡന്റ് ഡോ. പി.കെ.ഗോപൻ ‘ഉദ്ഘാടനം ചെയ്തു.വൈകീട്ട് നടന്ന സമാപനസമ്മേളനവും സമ്മാനദാനവും എം.നൗഷാദ് എം.എൽ.എ. നിർവഹിച്ചു.
![](https://dailyvoicekadakkal.com/wp-content/uploads/2024/05/WhatsApp-Image-2024-05-31-at-10.55.07-AM-1-1024x513.jpeg)
കൊട്ടാരക്കര ബ്ലോക്ക് ക്ലസ്റ്റർ തലത്തിൽ കടയ്ക്കൽ ഒന്നാം സ്ഥാനത്ത് എത്തിയിരുന്നു. ക്ളസ്റ്റർ തലത്തിൽ മത്സരിച്ചു വിജയിച്ചവരാണ് ജില്ലാതലത്തിൽ മത്സരിച്ചത്.എ.ഡി.എസ്സ്. (വാർഡ്) തലത്തിലും തുടർന്ന് സി.ഡി.എസ്. (പഞ്ചായത്ത്) തലത്തിലും വിജയിച്ചവരാണ് ക്ലസ്റ്റർ തലത്തിൽ മാറ്റുരച്ചത്.
![](https://dailyvoicekadakkal.com/wp-content/uploads/2024/05/WhatsApp-Image-2024-05-30-at-7.59.33-PM-462x1024.jpeg)
ജൂൺ 7,8,9 തീയതികളിൽ കാസർകോട് ജില്ലയിലെ പിലിക്കോട് നടക്കുന്ന സംസ്ഥാനതല ‘അരങ്ങ്’ 2024 കലോത്സവത്തിൽ ജില്ലയിലെ വിജയികൾ പങ്കെടുക്കും. 56 മത്സരയിനങ്ങൾ ആണ് അരങ്ങിൽ നടത്തുന്നത്.
![](https://dailyvoicekadakkal.com/wp-content/uploads/2024/05/WhatsApp-Image-2024-05-31-at-10.54.01-AM.jpeg)
അയൽക്കൂട്ട അംഗങ്ങൾ, യുവതികൾക്കായുള്ള പുതിയ കൂട്ടായ്മ ‘ഓക്സിലറി ഗ്രൂപ്പ്’ എന്നിങ്ങനെ രണ്ടു വിഭാഗങ്ങളിലാണ് മത്സരങ്ങൾ നടത്തുന്നത്.
![](https://dailyvoicekadakkal.com/wp-content/uploads/2024/05/WhatsApp-Image-2023-09-27-at-4.44.22-PM-8-682x1024.jpeg)
![](https://dailyvoicekadakkal.com/wp-content/uploads/2024/05/kokkad-26-954x1024.jpeg)
![](https://dailyvoicekadakkal.com/wp-content/uploads/2024/05/DAILY-EMPLEM-30-816x1024.jpeg)