നെടുമങ്ങാട്: കഞ്ചാവ് എത്തിച്ചു നല്‍കുന്ന മൂന്ന് യുവാക്കൾ ഇരുചക്രവാഹനങ്ങള്‍ ഉള്‍പ്പെടെ അറസ്റ്റിൽ. ആനാട് നാഗച്ചേരി സ്വദേശികളായ അല്‍ അമീന്‍(26), അഖില്‍ജിത്ത്(26), അരുണ്‍ രാജീവന്‍(25) എന്നിവരെയാണ് അറസ്റ്റ് ചെയ്തത്. നെടുമങ്ങാട് എക്‌സൈസ് വിഭാഗം ആണ് അറസ്റ്റ് ചെയ്തത്.
നെടുമങ്ങാട് എക്‌സൈസ് റേഞ്ച് ഇന്‍സ്‌പെക്ടര്‍ ജോര്‍ജ് ജോസഫിന്‍റെ നേതൃത്വത്തിൽ ജെംസ് ഫൗണ്ടേഷന്‍ ഹോസ്റ്റല്‍ പരിസരങ്ങളില്‍ നടത്തിയ വിവിധ പരിശോധനകളില്‍ ആനാട്-കല്ലിയോട്-പാങ്കോട് ഭാഗങ്ങളില്‍ നിന്നാണ് ഇവർ അറസ്റ്റിലായത്. ഇവരുടെ കൈയിൽ നിന്ന് 41 ഗ്രാം കഞ്ചാവും കഞ്ചാവ് കടത്താന്‍ ഉപയോഗിച്ച സ്‌കൂട്ടറുകളും ബജാജ് ബൈക്കും പിടിച്ചെടുത്തു.
അറസ്റ്റിലായവരെ കോടതിയിൽ ഹാജരാക്കി.
