53 -ാമത്‌ സംസ്ഥാന ചലച്ചിത്ര പുരസ്‌കാരങ്ങള്‍ സാംസ്കാരികമന്ത്രി സജി ചെറിയാൻ പ്രഖ്യാപിച്ചു. മികച്ച നടനായി മമ്മൂട്ടി( നൻ പകൽ നേരത്ത് മയക്കം)നടിയായി വിൻസി അലോഷ്യസ് (രേഖ) എന്നിവരെ തെരഞ്ഞെടുത്തു. മഹേഷ് നാരായണൻ (അറിയിപ്പ് ) ആണ് മികച്ച സംവിധായകൻ . കുഞ്ചാക്കോ ബോബൻ (ന്നാ താൻ കേസ് കൊട്)അലൻസിയർ ലോപ്പസ് (അപ്പൻ)എന്നിവർക്ക് മികച്ച നടനുള്ള പ്രത്യേക ജൂറി പരാമർശം ലഭിച്ചു. സ്വഭാവനടനായി പി വി കുഞ്ഞികൃഷ്ണനേയും ( ന്നാ താൻ കേസ് കൊട് ) സ്വഭാവനടിയായി ദേവീ വർമ്മ ( സൗദി വെള്ളയ്ക്ക)യേയും തെരഞ്ഞെടുത്തു. മികച്ച സംവിധായകനുള്ള പ്രത്യേക ജൂറി പുരസ്കാരം വിശ്വജിത്ത് എസ് (ഇടവരമ്പ്), രാരിഷ് (വേട്ടപ്പട്ടികളും ഓട്ടക്കാരും) എന്നീ രണ്ട്പേർക്ക് ലഭിച്ചു.സ്ത്രീ, ട്രാൻസ്ജെൻഡർ വിഭാഗത്തിൽ മികച്ച സിനിമയായി ശ്രുതി ശരണ്യയുടെ ബി 32 – 44 തെരഞ്ഞെടുത്തു.
ബംഗാളി സംവിധായകനും തിരക്കഥാകൃത്തും നടനുമായ ഗൗതം ഘോഷ് ചെയര്‍മാനായ ജൂറിയാണ് അവാര്‍ഡുകള്‍ നിശ്ചയിച്ചത്.വാർത്താസമ്മേളനത്തിൽ ചലചിത്ര അക്കാഡമി ചെയർമാൻ രഞ്ജിത് പങ്കെടുത്തു.
പുരസ്കാരങ്ങൾ:
ജനപ്രിയും കലാമൂല്യവുംഉള്ള സിനിമ – ന്നാ താൻ കേസ് കൊട്
നവഗത സംവിധായകൻ –ഷാഹി കബീർ( ഇലവീഴാ പുഞ്ചിറ).
മികച്ച കുട്ടികളുടെ ചിത്രം പല്ലൊട്ടി 90സ് കിഡ്സ് (സംവിധാനം
വസ്ത്രാലങ്കാരം- മഞ്ജുഷ രാധാകൃഷ്ണൻ – സൗദി വെള്ളയ്ക്ക
മേക്കപ്പ്ആര്‍ട്ടിസ്റ്റ്- റോണക്സ് സേവിയർ – ഭീഷ്മപർവ്വം
ശബ്ദമിശ്രണം- അജയൻ അടാട്ട് – ഇലവീഴാ പൂഞ്ചിറ
ഡബ്ബിംഗ് (ആൺ)- ഷോബി തിലകൻ ( പത്തൊമ്പതാം നൂറ്റാണ്ട്)
ഡബ്ബിംഗ് (പെൺ)–പൗളി വിൽസൻ( സൗദി വെളളയ്ക്ക)
കലാസംവിധാനം- ജേ്യാതിഷ് ശങ്കർ – ന്നാ താൻ കേസ് കൊട്
ചിത്രസംയോജകന്‍- നിഷാദ് യൂസഫ് – തല്ലുമാല
ഗായിക-മൃദല വാര്യർ – പത്തൊമ്പതാം നൂറ്റാണ്ട്
ഗായകന്‍- കപിൽ കപിലൻ – പല്ലൊട്ടി 90സ് കിഡ്സ്
സംഗീതസംവിധായകന്‍ എം ജയചന്ദ്രൻ – ന്നാ താൻ കേസ് കൊട്
സംഗീതസംവിധായകന്‍- എം ജയചന്ദ്രൻ – മയിൽപീലി ഇളകുന്നു കണ്ണാ.. പത്തൊമ്പതാം നൂറ്റാണ്ട്, ആയിഷ
ഗാനരചയിതാവ്- റഫീഖ് അഹമ്മദ് – വിഡ്ഡികളുടെ മാഷ്
തിരക്കഥാകൃത്ത് (അഡാപ്റ്റേഷന്‍) – രാജേഷ്കുമാർ ആർ – ഒരു തെക്കൻ തല്ലുകേസ്
തിരക്കഥാകൃത്ത്- രതീഷ് ബാലകൃഷ്ണൻ പൊതുവാൾ – ന്നാ താൻ കേസ് കൊട്
ക്യാമറ- മനീഷ് മാധവൻ(ഇലവീഴാ പൂഞ്ചിറ)
കഥ-കമൽ കെ എം – പട
