സാമൂഹ്യ സുരക്ഷാ പെൻഷൻ വാങ്ങുന്നവർക്ക് സംസ്ഥാന സർക്കാർ ഏർപ്പെടുത്തിയ മസ്റ്ററിങ് ഇടക്കാല ഉത്തരവിലൂടെ മരവിപ്പിച്ച നടപടി ഹൈക്കോടതി നീക്കി ഇതോടെ മസ്റ്ററിങ് നടത്താനുള്ളവർക്ക് തൊട്ടടുത്ത ദിവസങ്ങളിൽ അക്ഷയ കേന്ദ്രങ്ങളിൽ എത്തി മസ്റ്ററിങ് നടത്താം. ജസ്റ്റിസ് വിജു എബ്രഹാം അധ്യക്ഷനായ സിംഗിൾ ബെഞ്ചാണ് സ്റ്റേ നീക്കിയത്. കോടതി ഉത്തരവ് ലഭിച്ചാൽ ഉടൻ മസ്റ്ററിങ് പുനരാരംഭിക്കാൻ ആവശ്യമായ നടപടികൾ സംസ്ഥാന ഐടി മിഷൻ സ്വീകരിക്കും.
