![](https://dailyvoicekadakkal.com/wp-content/uploads/2023/05/WhatsApp-Image-2023-02-03-at-2.22.51-PM-3-14-1024x245.jpeg)
സംസ്ഥാന സര്ക്കാരിന്റെ രണ്ടാം വാര്ഷികത്തോട് അനുബന്ധിച്ച് നടക്കുന്ന എന്റെ കേരളം പ്രദര്ശന, വിപണന മേള മേള ശ്രദ്ധ നേടുന്നു. ആശ്രാമം മൈതാനത്ത് മെയ് 18നാണ് പരിപാടി തുടങ്ങിയത്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.26-PM-1024x576.jpeg)
മേയ് 24 വരെയാണ് മേള. പ്രവേശനം സൗജന്യമാണ്.സംസ്ഥാനത്തിന്റെ വികസനപ്രവര്ത്തനങ്ങളുടെ തുടര്ച്ചയെന്ന നിലയിലാണ് പ്രദര്ശന വിപണന മേള നടക്കുന്നത്.ശീതീകരിച്ച 220 സ്റ്റാളുകള്, കലാസാസംസ്കാരിക പരിപാടികള്, ഭക്ഷ്യമേള, കിഫ്ബി വികസന പ്രദര്ശനം,
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.12-PM-1-1024x576.jpeg)
കേരളം ഒന്നാമത് പ്രദര്ശനം, ബിറ്റുബി മീറ്റ്, ടൂറിസം പവലിയന്, അമ്യൂസ്മെന്റ് ഏരിയ, ഡോഗ്ഷോ, 360 ഡിഗ്രി സെല്ഫി ബൂത്ത്, കാര്ഷിക, പ്രദര്ശന വിപണന മേള, ക്വിസ് മല്സരങ്ങള്, ആക്റ്റിവിറ്റി കോര്ണര് തുടങ്ങിയവ മേളയുടെ പ്രധാന ആകര്ഷണങ്ങളാണ്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.15-PM-1024x576.jpeg)
അതുപോലെ റവന്യു, വനം വന്യജീവി,ഫയർ ആൻഡ് റെസ്ക്യൂ, കെ എസ് ഇ ബി,സ്റ്റാർട്ടാപ്പ് മിഷൻ, ഉന്നത വിദ്യാഭ്യാസ സ്റ്റാൾ, എന്നിവയും സജ്ജീകരിച്ചിട്ടുണ്ട്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.14-PM-1024x576.jpeg)
ജില്ലയുടെ ചരിത്രങ്ങൾ ആലേഖനംചെയ്ത കമാനത്തിൽ ചിറകു വിടർത്തിയ ജടായുശില്പം. ഉള്ളിലേക്ക് കടന്നാൽ വരവേൽക്കുന്ന വലിയ സ്ക്രീനിൽ കേരളം മാറിയതിന്റെ നേർക്കാഴ്ചകൾ. ‘എന്റെ കേരളം’ പ്രദർശന വിപണന മേള കാണാൻ നാട് ഒഴുകുകയാണ്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.20-PM-1024x576.jpeg)
ലഭിക്കാവുന്ന സേവനങ്ങൾ ഉപയോഗപ്പെടുത്തിയും പുതിയ സാങ്കേതികവിദ്യയും തൊഴിൽ സാധ്യതകളും മനസ്സിലാക്കിയും ഉത്പന്നവിതരണമേളയിലെ സാധനങ്ങൾ വാങ്ങിയും രുചിക്കൂട്ടുകൾ അനുഭവിച്ചും അവർ മടങ്ങുന്നു.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.52.48-PM-1024x576.jpeg)
നിറഞ്ഞ പുഞ്ചിരിയോടെ സന്ദർശകരെ സ്വീകരിക്കുകയാണ് കേരള പൊലീസ്. കൗതുകമുണർത്തുന്ന തോക്കുകൾ, പീരങ്കി തുടങ്ങിയവയെ കുറിച്ച് വിശദീകരിക്കുമ്പോൾ കേൾക്കാൻ ആളുകളേറെയാണ്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.21-PM-1024x576.jpeg)
വിരലടയാളത്തിന്റ രഹസ്യം, ബോംബ് സ്യൂട്ട്,ടെലി കമ്മ്യൂണിക്കേഷൻ സിസ്റ്റം, ഗ്രനേഡുകൾ, ഫോറൻസിക് തുടങ്ങിയവ എല്ലാവരെയും ആകർഷിക്കുന്നുണ്ട്.‘ഒരിക്കലും അകത്താകാതിരിക്കാൻ ഒരിക്കലൊന്ന് അകത്ത് കയറി നോക്കൂ’ എന്നെഴുതി തയാറാക്കിയ ലോക്കപ്പിൽ കയറാനും ഫോട്ടോ എടുക്കാനും നല്ല തിരക്കാണ് അനുഭവപ്പെടുന്നത്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.02-PM-1024x576.jpeg)
യുവാക്കളും വിദ്യാർഥികളും തിരക്കു കൂട്ടുന്നത് ഐടി മിഷൻ ഒരുക്കിയ വെർച്വൽ റിയാലിറ്റി അനുഭവിച്ചറിയാൻ. ത്രിഡി സാങ്കേതിക വിദ്യയിൽ, വിവിധ ഗെയിമുകൾ കളിക്കാനുള്ള സൗകര്യമാണ് ഇവിടെ ഒരുക്കിയിരിക്കുന്നത്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.09-PM-1024x576.jpeg)
മെറ്റ കമ്പനിയുടെ ആധുനിക ഉപകരണങ്ങളാണ് ഇതിനായി എന്റെ കേരളം പ്രദർശനമേളയിൽ സജീകരിച്ചിരിക്കുന്നത്. റോളോ കോസ്റ്റർ, ജുറാസിക് വേൾഡ് തുടങ്ങിയ ഗെയിമുകൾ ഒരുക്കിയിട്ടുണ്ട്. പ്രതിദിനം ഇരുന്നൂറിലധികം പേരാണ് സ്റ്റാളിൽ എത്തുന്നത്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.53.12-PM-1024x576.jpeg)
ആർടിഫിഷ്യൽ ഇന്റലിജൻസിന്റെ കാലത്ത് എല്ലാ മേഖലയിലും വെർച്വൽ റിയാലിറ്റിയുടെ സാധ്യതകൾ എങ്ങനെയൊക്കെ അനുഭവപ്പെടുമെന്ന് ഉദ്യോഗസ്ഥർ വിശദീകരിക്കുന്നുമുണ്ട്. കുട്ടികൾക്കൊപ്പം മുതിർന്നവരും കൗതുകത്തോടെ, ത്രിഡി അനുഭവത്തിനായി എത്തുന്നുണ്ട്
![](https://dailyvoicekadakkal.com/wp-content/uploads/2023/05/WhatsApp-Image-2023-05-23-at-7.52.38-PM-1024x576.jpeg)
സംസ്ഥാന സർക്കാറിന്റെ വിവിധ വകുപ്പുകൾ മുതൽ ജില്ലയിലെ
ജില്ലയിലെ കുടുംബശ്രീ സംഘങ്ങൾ വരെ മേളയിലെത്തുന്നവരെ ആകർഷിക്കുന്നുണ്ട്
![](https://dailyvoicekadakkal.com/wp-content/uploads/2023/05/WhatsApp-Image-2022-10-27-at-2.42.49-PM-1-6-787x1024.jpeg)
![](https://dailyvoicekadakkal.com/wp-content/uploads/2023/05/WhatsApp-Image-2023-05-15-at-12.55.08-PM-819x1024.jpeg)
![](https://dailyvoicekadakkal.com/wp-content/uploads/2023/05/WhatsApp-Image-2023-05-02-at-10.25.25-AM-1-954x1024.jpeg)
![](https://dailyvoicekadakkal.com/wp-content/uploads/2023/05/WhatsApp-Image-2022-11-14-at-8.45.31-PM-4-1024x870.jpeg)