![](https://dailyvoicekadakkal.com/wp-content/uploads/2023/05/WhatsApp-Image-2023-02-03-at-2.22.51-PM-3-3-1024x245.jpeg)
കുടുംബശ്രീ ഇരുപത്തിഅഞ്ചാം വാർഷിക ആഘോഷങ്ങളുടെ ഭാഗമായി കടയ്ക്കൽ പഞ്ചായത്തിലെ ആറ്റുപുറം, കാര്യം കുടുംബശ്രീ എ. ഡി. എസി ന്റെ നേതൃത്വത്തിൽ കലാ, കായിക മത്സരങ്ങൾ സംഘടിപ്പിച്ചു.
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-7.25.04-PM-1-1024x577.jpeg)
കാര്യം എൽ എം എൽ പി എസ് ൽ ഉച്ചമുതൽ വൈകുന്നേരം വരെയാണ് പരിപാടികൾ നടന്നത്.കാര്യം വാർഡിലെ 14 കുടുംബശ്രീ യുണിറ്റുകളും,ആറ്റുപുറം വാർഡിലെ 20 കുടുംബശ്രീ യുണിറ്റുകളുമാണ് ഉള്ളത്,
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-8.54.00-PM-1024x576.jpeg)
രണ്ട് വാർഡിൽ നിന്നുമായി മുന്നൂറോളം ആളുകൾ ഇതിന്റെ ഭാഗമായി, ചെറിയ കുട്ടികളും, വനിതകളും, അമ്മമാരും വിവിധ കലാ, കായിക മത്സരങ്ങളിൽ പങ്കെടുത്തു.
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-7.25.49-PM-1024x576.jpeg)
ഓട്ടം, കസേരകളി, മിട്ടായി പെറുക്കൽ, ബലൂൺ ഊതി പൊട്ടിക്കൽ, മെഴുകുതിരിയുമായുള്ള ഓട്ടം, സ്പൂണിൽ നാരങ്ങായുമായുള്ള ഓട്ടം തുടങ്ങി ഒരു തലമുറയുടെ ഭാഗമായി അന്യം നിന്നുപോകുന്ന നാടൻ മത്സരങ്ങൾ പരിപാടിക്ക് മാറ്റു കൂട്ടി.
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-8.51.33-PM-1024x576.jpeg)
പരിപാടിക്ക് കാര്യം വാർഡ് മെമ്പർ അരുൺ കെ എസ്, ആറ്റുപുറം വാർഡ് മെമ്പർ എസ് ഷാനി, സി ഡി എസ് മെമ്പർമാരായ ആർ ലത, സന്ധ്യ എന്നിവർ നേതൃത്വം നൽകി,
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-7.25.47-PM-1024x576.jpeg)
എ ഡി എസ് ചെയർപേഴ്സൺമാരായ മണികല, പ്രീത, എ ഡി എസ് സെക്രട്ടറി അനൂജ എന്നിവർ പങ്കെടുത്തു.വരും ദിവസത്തിൽ തന്നെ സമാപന സമ്മാനദനവും, ഘോഷയാത്രയും നടക്കും, ഇതിന്റെ ഭാഗമായി വനിതകളുടെ വടം വലി മത്സരവും നടക്കും.
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-7.25.44-PM-1024x576.jpeg)
കുടുംബശ്രീ രൂപീകൃതമായിട്ട് മെയ് 17 ന് ഇരുപത്തിഅഞ്ച് വർഷം പൂർത്തിയാകുന്നു. ചരിത്രം രചിച്ച 25 വർഷങ്ങൾ .
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-7.25.27-PM-1024x576.jpeg)
സ. ഇ കെ നായനാർ മുഖ്യമന്ത്രിയും സ. പാലോളി മുഹമ്മദ് കുട്ടി തദ്ദേശസ്വയംഭരണ വകുപ്പ് മന്ത്രിയുമായുള്ള അന്നത്തെ ഇടതുപക്ഷ ഗവൺമെന്റിന്റെ രാഷ്ട്രീയ ഇച്ഛാശക്തിയായിരുന്നു ഇപ്രകാരമൊരു സ്ത്രീകളുടെ കൂട്ടായ്മക്ക് രൂപം നൽകിയത്.
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-7.25.53-PM-1024x576.jpeg)
കേരള നവോത്ഥാനത്തിനു ശേഷം നമ്മുടെ സമൂഹത്തെ ഏറ്റവുമധികം ചലനാത്മകമാക്കിയ സാമൂഹ്യ മുന്നേറ്റങ്ങളിലൊന്നാണ് കുടുംബശ്രീ എന്ന് ഉറപ്പിച്ചു പറയാൻ കഴിയും.
![](https://dailyvoicekadakkal.com/wp-content/uploads/2023/05/WhatsApp-Image-2023-05-09-at-7.25.38-PM-1024x576.jpeg)
കുടുംബശ്രീ അതിന്റെ ഇരുപത്തിഅഞ്ചാം വാർഷികം ആഘോഷിക്കുന്ന ഈ വേളയിൽ സ്വാശ്രയത്വത്തിലേക്കും സ്വയം പര്യാപ്തതയിലേക്കുമുള്ള നമ്മുടെ യാത്രയെ നമുക്ക് കൂടുതൽ ശക്തിപ്പെടുത്താം.
![](https://dailyvoicekadakkal.com/wp-content/uploads/2023/05/WhatsApp-Image-2022-10-27-at-2.42.49-PM-1-3-787x1024.jpeg)
![](https://dailyvoicekadakkal.com/wp-content/uploads/2023/05/WhatsApp-Image-2023-04-10-at-8.15.14-PM-3-819x1024.jpeg)
![](https://dailyvoicekadakkal.com/wp-content/uploads/2023/05/WhatsApp-Image-2023-05-02-at-10.25.25-AM-954x1024.jpeg)
![](https://dailyvoicekadakkal.com/wp-content/uploads/2023/05/WhatsApp-Image-2022-11-14-at-8.45.31-PM-1-1024x870.jpeg)
![](https://dailyvoicekadakkal.com/wp-content/uploads/2023/05/WhatsApp-Image-2022-12-05-at-2.06.32-PM-786x1024.jpeg)