പൂരം നടക്കുന്ന പ്രദേശത്ത് സിസിടിവി ക്യാമറകള്‍ സ്ഥാപിക്കും. അപ്രതീക്ഷിതമായ അപകടങ്ങളെ നേരിടാന്‍ ആശ്രാമം മൈതാനത്ത് എമര്‍ജന്‍സി ഓപ്പറേഷന്‍ സെന്റര്‍ സജ്ജീകരിക്കും. ശുദ്ധജലം, വൈദ്യുതി എന്നിവ തടസ്സമില്ലാതെ ലഭ്യമാക്കും. പൂരത്തിന് ശേഷം മൈതാനത്ത് അവശേഷിക്കുന്ന മാലിന്യങ്ങള്‍ ശാസ്ത്രീയമായി ശേഖരിച്ച് സംസ്‌കരിക്കുന്നതിന് കോര്‍പ്പറേഷനെയും ഹരിതകര്‍മ സേനയേയും ചുമതലപ്പെടുത്തി. മദ്യം, നിരോധിത ലഹരി ഉത്പന്നങ്ങള്‍ എന്നിവയുടെ വില്പ്പന തടയുന്നതിന് എക്സൈസിന്റെ നേതൃത്വത്തില്‍ പരിശോധന കര്‍ശനമാക്കും.
