കടയ്ക്കലിൽ ബൈക്ക് യാത്രികനെ ഇടിച്ചു വീഴ്ത്തി നിർത്താതെ പോയ കാറിലെ ഡ്രൈവർ പോലീസ് പിടിയിൽ.ഇന്ന് ഉച്ചയ്ക്ക് നാല് മണിയോടെയാണ് സംഭവം നടന്നത്. കടയ്ക്കൽ നിലമേൽ റോഡിൽ കൊച്ചാറ്റുപുറം ജംഗ്ഷന് സമീപം വച്ച് ബൈക്ക് യാത്രികനായ ആഴാന്തക്കുഴി സ്വദേശി ശ്യാമിനെ സ്‌കോർപിയോ കാറിൽ വന്ന പട്ടാണിമുക്ക് സ്വദേശി റഹീം ഇടിച്ചു വീഴ്ത്തുകയായിരുന്നു.
നിർത്താതെ പോയ കാർ അൽപദൂരം മൂലോട്ട് വളവിൽ പോസ്റ്റിൽ ഇടിച്ചു അപകടത്തിൽ പെടുകയായിരുന്നു. സംഭവം നാട്ടുകാർ അറിയിച്ചതിനെ തുടർന്ന് കടയ്ക്കൽ പോലീസ് സംഭവ സ്ഥലത്തെത്തി റഹീമിനെ കസ്റ്റഡിയിൽ എടുത്തു.
തലയ്ക്കും, കൈയ്ക്കും സാരമായി പരിക്കേറ്റ ശ്യാമിനെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു.കടയ്ക്കൽ പോലീസ് കേസെടുത്ത് അന്വേഷണം ആരംഭിച്ചു.
